ಹನಿ -`ಮೌನ'

'ನಾನು', 'ನೀನು'
ಸಂಭೋದನೆಗಳಿಂದ
ಭಾವನೆಗಳೇ
ಛಿದ್ರ,
ನನ್ನಲ್ಲಿ ನೀನು
ನಿನ್ನಲ್ಲಿ ನಾನಾಗುವ
ಸಂಬಂಧದಿಂದ
ಬದುಕಿನ ಅಡಿಪಾಯ
ಭದ್ರ!

`ಹನಿ' - ಶೂನ್ಯ

ಕಣ್ತೆರೆದು ನೋಡಿದೆ
ಎಲ್ಲವೂ ನನ್ನದಾಗಿತ್ತು
ಕಣ್ಮುಚ್ಚಿ ಕಂಡೆ
ನಾನೇ ಎಲ್ಲವೂ ಆಗಿ
ಇಲ್ಲವಾಗಿದ್ದೆ!

`ಹನಿ' - ಎಸೆದ ಕಲ್ಲು

ನೀರ ಮೇಲ್ಮೈಯಲ್ಲಿ
ಅಲೆಗಳೆಬ್ಬಿಸಿದ್ದು
ಆಳಕ್ಕಿಳಿದಂತೆ
ನಿಶ್ಚಲ!

`ಹನಿ' - ಸರ`ಹದ್ದು'

ಕಣ್ಗೆ ಕಾಪಿಟ್ಟ
ಕುದುರೆಯ ಬದುಕು
ತಾನು ತನ್ನದೆ೦ಬಷ್ಟಕ್ಕೇ
ಸೀಮಿತ,
ಕಣ್ಣಳತೆ ಮೀರಿ
ಮಹೋನ್ನತಿಗೇರಬಲ್ಲ
ಹದ್ದಿನದೋ
ಅಪರಿಮಿತ!

'ಹನಿ'ಗಳು - ಗಾಳಿಪಟ

ಗಾಳಿಪಟ -1.

ಏರಿದಷ್ಟೂ ಬಾನಿನಲಿ
ಇಹುದು ಎಡೆ
ಏರಿಸುವ ದಾರದ್ದೇ
ಇದಕೆ ತಡೆ!
       *
ಗಾಳಿಪಟ -2.

ಸೂತ್ರ ಹಿಡಿದೇ
ಹಾರಿಬಿಟ್ಟೆ
ಸ್ವತ೦ತ್ರವಾಗಿ ವಿಹರಿಸು
ನಿನ್ನದೇ ಗುರಿಯತ್ತ ಚಲಿಸು,
ಕಣ್ಬಿಟ್ಟೆ ದಾರ ಜಗ್ಗಿದಾಗ
ಪಟ ಹೊಡೆಯುತ್ತಿತ್ತು
ಅನಿಯ೦ತ್ರಿತ ಲಾಗ!
       *
ಗಾಳಿಪಟ -3.

ಹಾರುವ ಮೊದಲೇ
ಹುಚ್ಚೆದ್ದು ಲಾಗ
ಹೊಡೆದದ್ದು
ಮೇಲೇರಿದ೦ತೆ
ನಿರಾತ೦ಕ!
        *

`ಹನಿ' - ವೈರುಧ್ಯ

ನಿಷಿದ್ಧ 

ಕ೦ಬಳಿ ಹುಳುಗಳ ಪ್ರವೇಶ
ನಮ್ಮ ಕೈತೋಟದಲ್ಲಿ
ಆದರೂ.....
ನಲಿನಲಿಯುತಿರಲಿ
ಬಣ್ಣಬಣ್ಣದ ಚಿಟ್ಟೆಗಳು
ನಮ್ಮ ಕಿರುಬನದ
ಮೂಲೆಮೂಲೆಗಳಲ್ಲಿ!

81ನೇ ಅಖಿಲ ಭಾರತ ಕನ್ನಡ ಸಾಹಿತ್ಯಸಮ್ಮೇಳನದಲ್ಲಿ ನನ್ನ ಕವನ ಸ೦ಕಲನ `ಕ೦ಡಷ್ಟೇ ಬೆಳಕೆ?' ಬಿಡುಗಡೆ

81ನೇ ಅಖಿಲ ಭಾರತ ಕನ್ನಡ ಸಾಹಿತ್ಯಸಮ್ಮೇಳನದಲ್ಲಿ ನನ್ನ ಕವನ ಸ೦ಕಲನ `ಕ೦ಡಷ್ಟೇ ಬೆಳಕೆ?' ಬಿಡುಗಡೆಯಾಯಿತು. ಪುಸ್ತಕದ ಮುಖ ಪುಟದೊ೦ದಿಗೆ ಸಮ್ಮೇಳನದಲ್ಲಿನ ಕೆಲವು ಕ್ಷಣಗಳನ್ನುನಿಮ್ಮೊ೦ದಿಗೆ ಹ೦ಚಿಕೊಳ್ಳುತ್ತಿದೇನೆ.