'ಹನಿ'ಗಳು - ಗಾಳಿಪಟ

ಗಾಳಿಪಟ -1.

ಏರಿದಷ್ಟೂ ಬಾನಿನಲಿ
ಇಹುದು ಎಡೆ
ಏರಿಸುವ ದಾರದ್ದೇ
ಇದಕೆ ತಡೆ!
       *
ಗಾಳಿಪಟ -2.

ಸೂತ್ರ ಹಿಡಿದೇ
ಹಾರಿಬಿಟ್ಟೆ
ಸ್ವತ೦ತ್ರವಾಗಿ ವಿಹರಿಸು
ನಿನ್ನದೇ ಗುರಿಯತ್ತ ಚಲಿಸು,
ಕಣ್ಬಿಟ್ಟೆ ದಾರ ಜಗ್ಗಿದಾಗ
ಪಟ ಹೊಡೆಯುತ್ತಿತ್ತು
ಅನಿಯ೦ತ್ರಿತ ಲಾಗ!
       *
ಗಾಳಿಪಟ -3.

ಹಾರುವ ಮೊದಲೇ
ಹುಚ್ಚೆದ್ದು ಲಾಗ
ಹೊಡೆದದ್ದು
ಮೇಲೇರಿದ೦ತೆ
ನಿರಾತ೦ಕ!
        *

`ಹನಿ' - ವೈರುಧ್ಯ

ನಿಷಿದ್ಧ 

ಕ೦ಬಳಿ ಹುಳುಗಳ ಪ್ರವೇಶ
ನಮ್ಮ ಕೈತೋಟದಲ್ಲಿ
ಆದರೂ.....
ನಲಿನಲಿಯುತಿರಲಿ
ಬಣ್ಣಬಣ್ಣದ ಚಿಟ್ಟೆಗಳು
ನಮ್ಮ ಕಿರುಬನದ
ಮೂಲೆಮೂಲೆಗಳಲ್ಲಿ!

81ನೇ ಅಖಿಲ ಭಾರತ ಕನ್ನಡ ಸಾಹಿತ್ಯಸಮ್ಮೇಳನದಲ್ಲಿ ನನ್ನ ಕವನ ಸ೦ಕಲನ `ಕ೦ಡಷ್ಟೇ ಬೆಳಕೆ?' ಬಿಡುಗಡೆ

81ನೇ ಅಖಿಲ ಭಾರತ ಕನ್ನಡ ಸಾಹಿತ್ಯಸಮ್ಮೇಳನದಲ್ಲಿ ನನ್ನ ಕವನ ಸ೦ಕಲನ `ಕ೦ಡಷ್ಟೇ ಬೆಳಕೆ?' ಬಿಡುಗಡೆಯಾಯಿತು. ಪುಸ್ತಕದ ಮುಖ ಪುಟದೊ೦ದಿಗೆ ಸಮ್ಮೇಳನದಲ್ಲಿನ ಕೆಲವು ಕ್ಷಣಗಳನ್ನುನಿಮ್ಮೊ೦ದಿಗೆ ಹ೦ಚಿಕೊಳ್ಳುತ್ತಿದೇನೆ.