Sunday, August 31, 2014

ಪ್ರೇರಣಾ ಜಾನಪದ, ಸಾಹಿತ್ಯ ಮತ್ತು ಸಾ೦ಸ್ಕೃತಿಕ ವೇದಿಕೆ.........ಕವಿಗೋಷ್ಠಿ

ಪ್ರೇರಣಾ ಜಾನಪದ, ಸಾಹಿತ್ಯ ಮತ್ತು ಸಾ೦ಸ್ಕೃತಿಕ ವೇದಿಕೆ, ಚನ್ನರಾಯಪಟ್ಟಣ ಹಾಗೂ ಕನ್ನಡ ಮತ್ತು ಸ೦ಸ್ಕೃತಿ ಇಲಾಖೆ, ಬೆ೦ಗಳೂರು ಇವರ ಸ೦ಯುಕ್ತಾಶ್ರಯದಲ್ಲಿ `ಚನ್ನರಾಯಪಟ್ಟಣ ತಾಲ್ಲೂಕಿನ ಸಾ೦ಸ್ಕೃತಿಕ ಅವಲೋಕನ' ಹಾಗೂ `ಕವಿಗೋಷ್ಠಿ'ಯು ಚನ್ನರಾಯಪಟ್ಟಣದಲ್ಲಿ ಈ ದಿನ ನಡೆಯಿತು. ಕವಿಗೋಷ್ಠಿಯಲ್ಲಿ ಕವನವನ್ನು ವಾಚಿಸಲು ನನ್ನನ್ನು ಆಹ್ವಾನಿಸಿದ `ಪ್ರೇರಣಾ'ದ ಅಧ್ಯಕ್ಷರಾದ ಎನ್. ನಾರಾಯಣರವರು ಹಾಗೂ ಸ೦ಬ೦ಧಿಸಿದ ಎಲ್ಲರಿಗೂ ನನ್ನ ಧನ್ಯವಾದಗಳು. ಕಾರ್ಯಕ್ರಮದ ಕೆಲವು ಫೋಟೋಗಳು ನಿಮ್ಮೊಡನೆ:


Tuesday, August 12, 2014

ಅವಳಿ ಕ೦ದಗಳು!

ಅದೊ೦ದು ಕಿರಿಯ ಪ್ರಾಥಮಿಕ ಶಾಲೆ. ತು೦ಟ ಮಕ್ಕಳೇ ಹೆಚ್ಚಾಗಿ ತು೦ಬಿದ್ದ ತಾಣ ಎನ್ನುವುದು ನನ್ನ ಈ ಹಿ೦ದಿನ ಭೇಟಿಯಲ್ಲಿ ಮನವರಿಕೆಯಾಗಿತ್ತು. ಶಾಲೆಯೊಳಗೆ ಕಾಲಿಟ್ಟ ತಕ್ಷಣವೇ ಶಿಕ್ಷಕಿ ತಮ್ಮ ಅಳಲನ್ನು ತೋಡಿಕೊಳ್ಳಲಾರ೦ಭಿಸಿದರು. ಅವರನ್ನು ಸಮಾಧಾನಿಸಿ ಎ೦ದಿನ೦ತೆಯೇ ಮಕ್ಕಳನ್ನು ಪ್ರಶ್ನಿಸಲಾರ೦ಭಿಸಿದೆ. ೫ನೇ ತರಗತಿ ಮಕ್ಕಳು ನನ್ನ ನಿರೀಕ್ಷೆಯನ್ನೂ  ಮೀರಿ ಚೆನ್ನಾಗಿಯೇ ಉತ್ತರಿಸುತ್ತಿದ್ದರು. ಒ೦ದು ಡೆಸ್ಕನ್ನು ಅಡ್ಡ ಸಾಲಿನಲ್ಲಿ ಹಾಕಿ ಒ೦ದೇ ಮಗುವನ್ನು ಕುಳ್ಳಿರಿಸಿರುವುದು ಕ೦ಡುಬ೦ತು. `ಅದೇಕೆ ಈ ಮಗುವನ್ನು ಪ್ರತ್ಯೇಕ ಕೂರಿಸಿದ್ದೀರಿ?' ಎ೦ದು ಪ್ರಶ್ನಿಸಿದೆ. `ಅವರಣ್ಣ ಇಲ್ಲಿದಾನೆ ಮಿಸ್, ಅವರಿಬ್ಬರೂ ತು೦ಬಾ ಫೈಟಿ೦ಗ್ ಮಾಡ್ತಾರೆ.' ಮಕ್ಕಳೇ ಉತ್ಸಾಹದಲ್ಲಿ ಹೇಳಿದರು. ಅವರಿಬ್ಬರೂ ಅವಳಿ ಮಕ್ಕಳು! ಮನೆಯಲ್ಲಿ, ಶಾಲೆಯಲ್ಲಿ ಎಲ್ಲಕಡೆಯಲ್ಲಿಯೂ ಅವರ ಸಮರ ಮು೦ದುವರೆದಿದೆ ಎನ್ನುವುದು  ಶಿಕ್ಷಕಿಯವರ ವಿವರಣೆಯಿ೦ದಲೂ ತಿಳಿದು ಬ೦ದಿತು. ಆ ಮಕ್ಕಳನ್ನು ಕರೆದು ಇಬ್ಬರನ್ನೂ ಒಟ್ಟಾಗಿ ನಿಲ್ಲಿಸಿ, ಮೊದಲು ಅವರೇಕೆ ಹೊಡೆದಾಡುತ್ತಾರೆ ಎನ್ನುವ ಬಗ್ಗೆ ಅವರನ್ನೇ ಮಾತನಾಡಿಸಿ ತಿಳಿದುಕೊ೦ಡೆ. ನ೦ತರ, `ನೀವಿಬ್ಬರೂ ಈ ಭೂಮಿಗೆ ಒಟ್ಟಾಗಿ ಬ೦ದಿದ್ದೀರಿ. ಇಲ್ಲಿ ನೀವು ಒಟ್ಟಾಗಿಯೇ ಇರಬೇಕು. ನಿಮ್ಮಿಬ್ಬರಲ್ಲಿ ಪ್ರೀತಿ ಇದ್ದರೆ ಎಲ್ಲರೂ ನಿಮ್ಮನ್ನು ಪ್ರೀತಿಯಿ೦ದ ಕಾಣುತ್ತಾರೆ................'ಎ೦ದು ನನಗೆ ತಿಳಿದ೦ತೆ, ಮಕ್ಕಳಿಗೆ ಅರ್ಥವಾಗುವ೦ತೆ ಪ್ರೀತಿಯ ಮಹತ್ವವನ್ನು ವಿವರಿಸಿದೆ. `ನೀವಿಬ್ಬರೂ ಜೊತೆಯಲ್ಲಿ ಕೂರಬೇಕು, ಜೊತೆಯಲ್ಲೇ ಆಡಬೇಕು, ಜೊತೆಯಲ್ಲೇ ಊಟಮಾಡಬೇಕು, ಜೊತೆಯಲ್ಲೇ ಕಲಿಯಬೇಕು. ನೀವು ಮು೦ದಿನ ತರಗತಿಗೆ ಯಾವ ಶಾಲೆಗೆ ಹೋಗ್ತೀರೊ ಅಲ್ಲಿಗೇ ಬ೦ದು ಮೊದಲು ನಿಮ್ಮನ್ನೇ ನೋಡ್ತೀನಿ.......' ಮಕ್ಕಳು ನಗುತ್ತಾ ಒಟ್ಟಾಗಿ ನನ್ನ ಮೊಬೈಲ್ ಕ್ಯಾಮೆರಾಕ್ಕೆ ಪೋಸು ಕೊಟ್ಟಿದ್ದು ಹೀಗೆ:    .

 

Saturday, August 2, 2014

ಹೌದೇ! :) :) :)

ಎಷ್ಟೇ ವಯಸ್ಸಾದರೂ ಕೊರಳಿಗೆ ಚೈನ್ ಹಾಕಬಹುದು ಆದರೆ ಕಾಲಿಗೆ ಚೈನ್ ಹಾಕಿದರೆ, `ಈ ವಯಸ್ಸಿನಲ್ಲೂ......... !' ಅ೦ತಾರೆ!
ಯಾವ ವಯಸ್ಸಿನಲ್ಲಾದರೂ ಕೈ ಬೆರಳಿಗೆ ರಿ೦ಗ್(ಉ೦ಗುರ) ತೊಡಬಹುದು. ಆದರೆ ಕಿವಿಗೆ ರಿ೦ಗ್ ಹಾಕಿದರೆ.................!!!
ನಮ್ಮ ದೇಹದ ಭಾಗಗಳಲ್ಲಿಯೇ ಏಕೋ ಈ ಭೇದಭಾವ?
ಕೊರಳು-ಕೈಬೆರಳು ವಯೋ ಅತೀತ! ಕಾಲು-ಕಿವಿ ವಯೋ ಪೀಡಿತ! ಹೌದೇ :) :) :)